ہجرت کی رات کو کفار مکہ کا سردار ابوجہل، غصے سے بھرا ہوا سیدھا حضرت ابوبکر صدیق رضی اللہ تعالیٰ عنہا کے گھر جاپہنچا۔ اس نے زور زور سے دروازہ کھٹکھٹانا شروع کر دیا۔ حضرت اسماء رضی اللہ تعالیٰ عنہا کو مخاطب کرتے ہوئے مطالبہ کیا کہ تمہارا باپ کہاں ہے؟ آپ نے نرم لہجے میں جواب دیا "مجھے  کیا علم ہوگا"۔ اس رویے سے حضرت اسماء رضی اللہ تعالیٰ عنہا کی عقلمندی اور حوصلہ ظاہر ہوتا ہے۔ آپ رضی اللہ تعالیٰ عنہا نے ایسی کوئی بات نہیں کی جس سے اس کو کوئی اشارہ ملتا۔ آپ رضی اللہ تعالیٰ عنہا نے سوال کے بدلے سوال کردیا جس سے ابوجہل کو مزید غصہ آگیا۔ اس نے حضرت اسماء رضی اللہ تعالیٰ عنہا کے چہرے پر اس قدر زور دار تھپڑ مارا کے آپ رضی اللہ تعالیٰ عنہا کے کان کی بالی نیچے گر گئی لیکن آپ رضی اللہ تعالیٰ عنہا ثابت قدم رہیں اور راز فاش نہیں کیا۔